त्रिकोणात्मक ट्वेन्टी ट्वेन्टी क्रिकेटय् थौं नेपाः व मलेसिया दथुइ धेंधेंबल्ला
लहानान्युज | चौलाथ्व सप्तमी ११४१,बैसाख ६ सोमवाः
![](https://www.lahananews.com/sites/default/files/Nepal_vs_Malaysia.jpg)
येँय् न्ह्यानाच्वंगु त्रिकोणात्मक ट्वेन्टी ट्वेन्टी क्रिकेट श्रृंखलाय् थौं नेपाः व मलेसिया दथुइ कासा जुइ । कासा न्हिने २ ता ई जुया १५ मिनेटय् न्ह्याइ ।
न्हापांगु कासाय् नेदरल्याण्ड्सयात ९ गू विकेटं बूकुगु नेपाः थौं उगु हे लय लिसाकासें मदिक्क निगूगु जित पिकायेगु आज्जुइ न्ह्यायेत्यंगु दु । उखे थःगु न्हापांगु कासाय् नेदरल्याण्ड्सलिसे बूगु मलेसिया नं थौंया कासा त्याका धेंधेंबल्लाय् लिहाँवयेगु मनंतुनाय् दु ।
टियू क्रिकेट मैदान किपूलिइ म्हिगः जूगु कासाय् नेदरल्याण्ड्सं मलेसियायात १५गू रनं बुकल । कासाय् सच्छि व ९२गू रनया हाथ्याः लिफ्यागु मलेसियां ८ गू विकेटय् क्षतिइ सच्छि व ७६गू रन जक मुंके फूगु खः ।
विरनदीप सिंहं ८७गू दयेकु्सां टोलीयात त्याकाबिइ मफुत । थ्वयान्ह्यः न्हापा ब्याटिङ याःगु नेदरल्याण्ड्सं २ गू विकेटया क्षतिइ सच्छि व ९१गू रन दयेकुगु खः ।
उमिगु निति ट्वेन्टी ट्वेन्टी क्रिकेटय् न्हापांगु शतक दयेकुम्ह म्याक्स ओडोउडं ७३गः बलय् अविजित जुया सच्छि व ३३गू रन दयेकुगु खः ।
Categorized in कासा