नेपालय् जुइगु त्रिदेशीय फुटबल कासाया धलः सार्वजनिक, नेपाया न्हापांगु कासा कीर्गिस्तानलिसे
चौलाथ्व तृतीया ११४१, चैत्र ३ मंगलवाः
![](https://www.lahananews.com/sites/default/files/anfa%202.jpg)
नेपालये जुइगु नेपाल, बंगलादेश व कीर्गिस्तान दथुया त्रिदेशीय फुटबल कासाया धलः सार्वजनिक जूगु दु । अखिल नेपाल फुटबल संघ एन्फां मंगलबाः धेँधेँबल्लाया कासा धलः पितब्वःगु खः ।
दशरथ रंगशालाय् जुइगु कासा चैत १० निसें १६ गते तक्क जुई । उद्घाटन कासाय् कीर्गिस्तान व बंगलादेश म्हितिइ । एन्फां सार्वजनिक याःगु धलः कथं नेपालं न्हापांग कासा किर्गिस्तानलिसे म्हितिइ ।
नेपालं न्हापांगु कासाय् कीर्गिस्तानया २३दँ क्वय्या टिम लिसे चैत १२ गते म्हितिइ ।
अथेहे निगूगु कासा नेपाः व बंगलादेश दथुई जुई । नेपाल व बंगलादेश दथुईया कासा चैत १४ गते जुइ । राउण्ड रोबिनया लिधंसाय् लिगया शीर्ष निगू टिम फाइनलय् धेँधेँबल्ला याई । कासाय् मुक्कं प्यंगु कासा जुई ।