शताब्दी पुरूष सत्यमोहन जोशी निम्त्यपुलिं मरणोप्रान्त थःगु शरीर दान यानादिल
लहनान्युज | सिल्लाथ्व पारु ११४१, फागुन माघ ३० शुक्रवाः
![](https://www.lahananews.com/sites/default/files/radha-and-satya.jpg)
वाङ्गमय सताब्दी पुरुष डाक्टर सत्यमोहन जोशी व वयेकया तिरी राधादेवी जोशीं मरणोप्रान्त थःगु म्ह दान यायेगु घोषणा यानादीगु दु । नइ प्रकाशनं यलः महानगरपालिकाय् म्हिगः याःगु ज्याझ्वस जोशी त्यपुं चिकित्सा विज्ञानया प्रयोगात्मक अध्ययनया नितिं थःगु म्ह दान यायेगु घोषणा यानादीगु खः । थःगु दीर्घजीवन व थःगु उर्जाया खँय् अनुसन्धान यायेफूसा चिकित्सा विज्ञान अध्ययनया नितिं ग्वहालि जुइ फइगु जोशीं धयादील । जोशी त्यपुं सिइधुंका भौतिक म्ह किष्ट मेडिकल कलेजयात चूलाकेगु घोषणा यानादीगु खः ।
किष्ट मेडिकल कलेजयात म्ह बिइगु मन्जुरी पौखय् जोशी त्यपु नापं कायेम्ह अनुजराज जोशीया तकं ल्हाचिं दु । यलः महानगरपालिकाया मेयर चिरिबाबु महर्जनं वाङ्गमय शताब्दी पुरुषया सतवार्षिकी हनेदूुगु भाग्यया खँ जूगु धयादील । नइ प्रकाशनया नकिं इन्दिरा प्रसाइं दीर्घजीवन चूलाम्ह जोशीया जोस व जाँगरया खँय् अनुसन्धान यायेमाःगु धयादील