प्रतिनिधिसभाया मुँज्या च्वने न्ह्यः सांसदपिन्त कोरोनाविरुद्धया खोप तयेकीगु
लहनान्यूज | सिल्लागा द्वितीया ११४१, फागुन १७ सोमबाः
सरकारं कोभिड– १९ विरुद्धया निगूगु चरणया न्हापांगु खोप संघीय संसद्या सांसदपिन्त तयेकीगु जूगु दु ।
वइगु २३ गतेनिसें ५५दँ च्वयेया ज्याथःपिं नागरिकपिन्त खोप दयेकेगु धलः दुसां सांसदपिन्त १९ गतेनिसें खोप तयेकीगु जूगु दु ।
१९ गतेनिसें खोप तइपिं प्रतिनिधिसभा व राष्ट्रिय सभाया दुजः व संसद् सचिवालयया कर्मचारी यानाः जम्मा द्वछि ५सःम्हेसिया धलः तयार याःगु दु ।
इमित येँया सिभिल अस्पतालं ३न्हुदुने खोप तयेकीगु स्वास्थ तथा जनसंख्या मन्त्रालयं धागु दु ।
सरकारं थ्वहे फागुन २३ गते प्रतिनिधिसभाया मुँज्या सःतूगु जुयाः उगु मुँज्या न्ह्यः सांसद व संसद् सचिवालयया कर्मचारीपिन्त खोप दयेकेगु तयारी याःगु खः ।
Categorized in राष्ट्रिय
