नेपाल पत्रकार महासंघ जिल्ला शाखा भक्तपुरया २२ क्वःगु साधारण सभां निम्ह पत्रकार राससया रत्नकृष्ण श्रेष्ठ व देशान्तर साप्ताहिकया कविर राणायात सम्मानित याःगु दु।

उगु साधारणसभां पत्रकार राणायात भगवान महर्जन स्मृति पत्रकारिता पुरस्कार व श्रेष्ठया मैंयादेवी स्मृति पत्रकारिता पुरस्कारपाखे सम्मानित याःगु खः। पत्रकार राणायात नगद १० हजार व दोसल्ला नाप सम्मान पत्र लल्हागु खः । अथेहे मेम्ह पत्रकार श्रेष्ठयात नगद २ हजार ३ सय नाप दोसल्ला व सम्मान पत्र लल्हागु खः ।

उगु साधारण सभाया मूपाहाँ नेपाल पत्रकार महासंघया पूर्व अध्यक्ष वरिष्ठ पत्रकार हरिहर विरही, उपाध्यक्ष दिलिप थापा मगर, महासचिव रमेश विष्ट, केन्द्रीय सदस्यपि गोविन्द चौलागांई व लक्ष्मण काकी, महासंघया उपत्यका प्रदेश महासचिव श्रृजन झा, ललितपुर अध्यक्ष ज्ञानप्रसाद पौडेलपिनिगु न उपस्थिति दुगु खः।

Categorized in राष्ट्रिय