प्रधानमन्त्री कप क्रिकेटय् बागमतीविरुद्ध सुदूरपश्चिम प्रदेश व प्रदेश–१ विरुद्ध गण्डकी प्रदेश दथुई धेँधेँबल्ला
डंगोल | पोहेलाथ्व पंचमी ११४१, माघ ५ सोमवाः
![](https://www.lahananews.com/sites/default/files/pm%20cup.jpg)
प्रधानमन्त्री कप छगूदिवसीय पुरुष क्रिकेट धेँधेँबल्लाखय् थौं नं निगू कासा जुई ।
किपूया त्रिवि कासाः ख्यःलय जुइगु न्हापांगु कासा बागमतीविरुद्ध सुदूरपश्चिम प्रदेश व मुलपानी च्वंगु क्रिकेट ख्यःलय् प्रदेश–१ विरुद्ध गण्डकी प्रदेश दथुई धेँधेँबल्ला जुई ।
म्हिगः जूगु कासाय् विभागीय टिम त्रिभुवन आर्मी क्लब व बागमती प्रदेश त्याःगु दु ।
मुलपानी क्रिकेट ख्यःलय् कर्णाली प्रदेशयात ८०गू रनं बुका आर्मी निक्वःखुसी त्याकेत ताःलागू खः ।
अथेहे बागमतीं नं त्याकामीया धलःखय् नां तयेत ताःलागु दु । किपूया ख्यःलय् जूगु कासाय् नेपाल पुलिस क्लबयात ७गू विकेटं बुकाः बागमतीं सुखद सुरुवात याःगु खः ।
पुलिसं बिउगु सच्छि व १२गू रनया सामान्य हाथ्या बागमतीं ३४ ओभर ४ बलय् ३गू विकेट हे पूवंकूगु खः ।
आर्मीं बिउगु सच्छि व ९६गू रनया हाथ्यालिसें जवाफी ब्याटिङ याःगु कर्णालीं ३३गू ओभर ३गः बलय् अलआउट जुया सच्छि व १५गू रन जक दयेकेत ताःलागु खः ।