लिभरपुलं बुकल म्यान्चेस्टर युनाइटेडयात
कौलागा पंचमी ११४१, कार्तिक ८ सोमवाः
![](https://www.lahananews.com/sites/default/files/liver.jpg)
इंग्लीश प्रिमियर लिग फुटबलय् लिभरपुलं म्यान्चेस्टर युनाइटेडयात ५–० गोलं बुकाब्यूगु दु ।
म्यानचेस्टर युनाइटेडया ख्यलय् जूगु कासाय् पाहां टोली लिभरपुलयात शानदार जित बीत मोहोमद सालाहं ह्याट्रिक यातसा नाबि किएटा व डिएगो योटां १, १ गोल तन ।
कासाया ६०गूगु मिनेटय् पउल पाग्बां न्ह्याउँगु कार्ड नयेधुंकाः म्यान्चेस्टर युनाइटेड १० कासामिइ लिकुंगु खः । कासा त्याःगुलिसें लिभरपुलं शिर्ष थासय् दुगु टोली चेल्सीलिसेया दुरी १ अंकय् क्वकाःगु दु ।
बूगु टोली म्यान्चेस्टर युनाइटेडया प्रशिक्षक ओले गुन सोल्सायरयात धाःसा दबाब अप्वःगु दु । वंगु चान्हय् जूगु मेमेगुक कासाय् लेष्टर सिटीं ब्रेन्टफोर्डयात २–१ बुकूबलय् वेष्ट ह्याम युनाइटेडं टोटनह्याम हट्सपरयात १–० ल्युने लाकाब्यूगु दु ।
प्रिमियर लिगय् ९ कासां २२ ल्याः मुंकूगु चेल्सी शिर्ष थासय् दु । उलि हे कासा म्हिताः २१ ल्याः मुंकूगु लिभरपुल निगूगु थासय् थहांवंबलय् २० ल्याः दुगु म्यान्चेस्टर सिटी स्वंगूगु थासय् कुहांवंगु दु ।
१७ ल्याःलिसें वेष्ट ह्याम प्यंगूगु थासय् थहांवंगु दु ।
Categorized in कासा