नेप्से २७ दशमलव ५१ अङ्कं थहावन
रसिया श्रेष्ठ | कौलागा चतुर्थी ११४१, कार्तिक ७ आईतवाः
शेयर बजाःया परिसूचक नेप्से थौं आइतवाः थहावंगु दु। नेप्से थौं २७ दशमलव ५१ अङ्कं थहावना २ हजार ५८४ दशमलव ५२ विन्दुइ थ्यंगु दु।
व्यापारबाहेक दक्को समूहया शेयर थहावंगु दु। बैंकिङ समूहया शेयर ६ अङ्क, विकास बैंक समूहय् ७२, होटलय् ४३, फाइनान्सय् ८९ व माइक्रोफाइनान्स समूहया शेयरय् ५३ अङ्क थहावंगु दु।
अथेहे जलविद्युत् समूहया शेयर ६५ अङ्क, जीवन बीमा समूहया ६७ अङ्क, निर्जीवन बीमा समूहया ३९, व मेमेगु समूहया शेयर ५५ अङ्कं थहावंगु दु। व्यापार समूहया शेयर धासा ३२ अङ्क घटे जुगु दु। २२५ गु कम्पनीया शेयर थौं कारोबार जुगु दु।
बेस्ट फाइनान्स व रिडी हाइड्रोपावर विकास कम्पनीया शेयर १० प्रतिशतं थहावंगु दु। मेरो फाइनान्स वित्तीय संस्थाया शेयर धासा १० प्रतिशतं घटे जुगु दु।
५८ लाख १८ हजार कित्ता शेयर २ अर्ब ७७ करोड रुपैयाँया कारोबार जुगु दु।
Categorized in राष्ट्रिय