इंग्लीश प्रिमियर लिगय् चेल्सी, म्यान्चेस्टर सिटी व वार्टफोड त्यात
कौलागा चर्तुथी ११४१, कात्तिक ७ आइतबा
![](https://www.lahananews.com/sites/default/files/chelesa.jpg)
इग्लीश प्रिमियर लिग फुटबलय् वंगु चान्हय् चेल्सी व म्यान्चेस्टर सिटी तःधंगु गोल अन्तरं त्यागु दु ।
चेल्सीं थःगु हे मैदानय् जूगु कासाय् नरिच सिटीयात ७गू–०या गोल अन्तरं बुकुगु खः । चेल्सीया नितिं मेसन माउण्टं ह्याट्रिक याःबलय्क्यालुम हड्सन ओडोइ, रिस जेम्स व बेन चिलवेलं छगू छगू गोल याःगु खः ।
कासा त्यागु लिसें चेल्सीं प्रिमियर लिगया ल्याः धलःखय् थःगु अग्रतायात निरन्तरता बिउगु दु । ९गू कासां चेल्सीया २२गू ल्याः जूगु दु । उतिग्यंक कासापाखें २०गू ल्याः मुंकुगु म्यान्चेस्टर सिटी निगूगु थासय् थ्यंगु दु ।
सिटीं वंगु चान्हय् ब्राइटनयात ४गू–१गूया गोल अन्तरं बुकल । उमिगु नितिं फिल फोडेनं निगू गोल याःबलय् इके गुन्डोगान व रियाद माहारेजं छगू छगू गोल याःगु खः ।
वंगु चान्हय् वाट्फोर्डलिसे ५गू–२गूया गोल अन्तरं बुइधुंका एभर्टन धाःसा दबाबय् लाःगु दु । प्रिमियर लिगया मेगु कासाय् साउथह्याम्प्टन व बर्न्लें २गू–२गू गोलया ज्वलिन्ज्वः कासा म्हितुबलय् क्रिष्टल प्यालेस व न्युकासल युनाइटेड अले लिड्स युनाइटेड व वुल्भरह्याम्प्टनं १गू–१गू गोलया ज्वलिन्ज्वः कासा म्हितुगु खः ।
प्रिमियर लिगय् थौं बहनि ९ ता ई जुया १५ गू मिनेटय् म्यान्चेस्टर युनाइटेड व लिभरपुल दथुइ कासा जुइ ।
Categorized in कासा