नेपाल संवतया प्रवद्र्धक शंखधर साख्वाया थ्यंमथ्य प्यगू फिट कदया मूर्ति थीथी ज्याझ्वलय् ब्वज्या याइगु जुगु दु।

नेपाल संवत न्हूदँ राट्रिय समारोह समिति ११४२ थ्व दँ निसें नेपाल संवत व शंखधर साख्वायात कया जुइगु गुगु नं कथंया ज्याझ्वलय् नेपाल संवतया प्रवद्र्धक शंखधर साख्वाया सम्मानय् वयकःया मूर्ति ब्वया सम्मान यायेगु खँ धाःगु दु।

११४२ न्हूदँ समारोह समितिया नायः निरञ्जन रत्न शाक्यं थुगु मूर्ति दयेकेगु ज्या क्वचायेत्यंगु व याकनं हे छगू ज्याझ्वःया दथुइ पितब्वज्या यायेगु जानकारी ब्यूगु दु।

लिसें वयकलं न्हूदँ ११४२ या लसताय्  जुइगु सकतां ज्याझ्वलय् शंखरया मूर्ति ब्वज्या यायेगु जानकारी नं बियादिगु दु। थुगु मूर्ति दयेकेगु व थुकिया ब्यबस्थापन यायेगु नितिं समारोह समितिया दुजः सत्यनारायण डगोलया संयोजकत्वय् उप समिति निस्वंना तःगु खः।

Categorized in राष्ट्रिय