मध्ये भोटेकोशीया आईपीओया आवेदन बिइगु थौं लिपागु दिं
रसिया श्रेष्ठ | कौलाथ्व पंचमी ११४१, असोज २५ सोमवाः
करिब ८ लाख १९ हजार आवेदकपिन्त १० कित्ता लाइगु मध्ये भोटेकोशी जलविद्युत कम्पनीया आईपीओया लागि आवेदन बिइगु थौं लिपागु दिं खः।
२० असोजनिसे सर्वसाधाराणया लागि खुला जुगु आइपीआय् थौंतक आवेदन बिइफइ। कम्पनीं कुल ९० करोड रुपैयाँ बराबरया ९० लाख कित्ता शेयर निष्काशनय् हया ८१ लाख ९० हजार कित्ता शेयरया लागि जक सर्वसाधरणपिन्स आवेदन बिइफइगु खः।
उकिइ ८ लाख १९ हजार स्वया अप्वो बिगुलि आवेदकपिन्त म्हति न १० कित्ता शेयर लाइगु निश्चित दु। कुल निश्कासन मध्ये ४ प्रतिशत अर्थात ३ लाख ६० हजार कित्ता शेयर कम्पनीया कर्मचारीपिनिगु लागि व ५ प्रतिशत अर्थात ४ लाख ५० हजार कित्ता शेयर सामूहिक लगानी कोषयात छुटेयायगु खः।
कम्पनीयो आईपीआ असोज २५ गतेतक आवेदन बिइगु ई क्वछिना तःगु खः। इच्छुक लगानीकर्तापिन्स प्रतिकित्ता १०० रुपैयाँया दरं न्यूनतम १० कित्तानिसे अप्वो १० हजार कित्तातकया लागि आईपीओ आवेदन आह्वान बिइगु ई तयातःगु खः।
Categorized in राष्ट्रिय