त्यप आजुया जात्रा न्ह्यात
लहनान्यूज | कौलाथ्व चतुर्थी ११४१, असोज २५ सोमबाः
त्यप आजु अर्थात पचली भैरःद्यःया त्यप जात्रा न्ह्याःगु दु । येँया टेकुस्थित ७गू घाटया दथुइ लाःगु पचली भैरःद्यःया पिठय् होम अले पूजा यानाः जात्रा न्ह्याःगु खः ।
मोहनिया प्यन्हुगु व न्यान्हुगु दिनय् हनीगु थुगु जात्राय् भैरःद्यःया त्यपयात खतय् तयाः टेकु, गोफः, लगं, न्हूघः, चिकंमुगः, मरु जुयाः हनुमानध्वाखा दरबारय् यंकेगु याइ । व झ्वलय् सद्यः कुमारीयात तकं हनुमानध्वाखा परिसरय् जात्रा अवलोकनया लागिं यंकी ।
उगु इलय् त्यप आजुलिसे कुमारी माजुया मिखा चूलाकेगु चलन नं दु । कुमारी माजुयात पचली भैलःद्यःया म्ह्याय् कथं नं कायेगु याः । व ल्याखं जात्राया थुगु ईयात अबु व म्ह्याय् नापलाकेगु धइगु कथं नं कायेगु याः ।
बाचाय् अजिमालिसें पचली भैरःद्यइा पीठय् बली बियाः व हे लँपु जुयाः ज्यापु समुदायया छेँय् त्यप आजु प्रतिस्थापन याइ । दच्छियंकं सर्वसाधारणया दर्शनया लागिं त्यप आजु अन हे तयेगु याइ ।
Categorized in राष्ट्रिय
