लगातार स्वन्हु यकं घटे जुगु शेयर कारोबार मापक नेप्से परिसूचक थौं बुधबाः धासा सुधार जुगु दु। बुधबाः ५० दशमलव ५८ अंकं थहावना नेप्से परिसूचक २ हजार ६ सय ६५ दशमलव ९३ अंकय् थ्यंगु दु।

वंगु स्वन्हुु न्ह्यः लगातार घटे जुगु नेप्से परिसूचक २ सय अंक कुहावंगु खः। ‘क’ वर्गय् दुगु कम्पनीया कारोबार मापन याइगु सेन्सेटिभ इन्डेक्स न ८ दशमलव ५८ दशमलं थहावंगु दु। कारोबार रकम धासा उलि थहावंगु मदु। न्हिच्छियकं ६३ हजार ९ सय १६ कारोबारपाखे २२९ कम्पनीया ९८ लाख ९४ हजार ४ सय ७८ कित्ता शेयर किनबेच जुगु दु।

उकि मध्ये कारोबार रकम ५ अर्ब २ करोड ८५ लाख ५५ हजार ९२ रुपैयाँ थ्यंगु दु। बजारय् उच्च अंकं सुधार वगुलि अधिकांश कम्पनीया शेयर भाः थहावंगु दु। समूहगत सूचक (सवइन्डेक्स) दक्को हे थहावंगु दु। यक्को अप्वो ग्रीन डेभलपमेन्ट बैंक खने दुगु दु। थुगु बैंकया शेयर भाः १० प्रतिशत अर्थात ३५ रुपैयाँ ४० पैसां थहावना ३८९ रुपैयाँ ४० पैसा थ्यंगु दु।

अथेहे निगु थासय् अपी हाइड्रोपावर खने दुगु। उगु शेयर भाः ४१ रुपैयाँ ८० पैसा थहावना ४५९ रुपैयाँ ८० पैसा थ्यंगु दु। बुधबाः कालिका माइक्रोफाइनान्स, जोशी हाइड्रोपावर, मनकामना स्मार्ट लघुवित्त लगायतया कम्पनीपि अप्वो थहावंगु दु।

Categorized in राष्ट्रिय