शेयर बजाः थौं बुधवाः न घटे जुगु दु। नेप्से थौं ४० दशमलव २६ अङ्कं घटे जुया २ हजार ८८९ विन्दुइ कुहावंगु दु।

बजार खुले जुगु छुु ईलिपा बजा थहावंसा लिपा कुहावंगु खः। बैंक, व्यापार, जलविद्युत्, बीमा, फाइनान्स, उत्पादन नाप थौं दक्को समूहया शेयर घटे जुगु खः।

थौं हिमालयन ऊर्जा विकास कम्पनी व गुराँस फाइनान्सया शेयर ५ प्रतिशत स्वया यक्को घटे जुगु खः। समग्र बजार घटे जूसा मनकामना स्मार्ट लघुवित्त कम्पनीया शेयर ८ प्रतिशत स्वया अप्वो थहावंगु दु।

२२२ कम्पनीया शेयर कारोबार जुगुलि जम्मा १६ गु कम्पनीया शेयर जक सामान्य थहावंगु दु। १ करोड ५ लाख कित्ता शेयर ५ अर्ब ३५ करोड रुपैयाँ कारोबार जुगु खः।

दकलय् अप्वो अरुण भ्याली हाइड्रोया २२ करोड १४ लाख रुपैयाँया शेयर किनबेच जुगु खः।

Categorized in राष्ट्रिय