बिस्यू वम्ह अभियुक्तयात प्रहरीं ज्वंन
लहनान्युज | ञंलाथ्व सप्तमी ११४१, भाद्र २८ सोमवाः
![](https://www.lahananews.com/sites/default/files/apradha-11.jpg)
नारायणी अस्पतालं बिस्यू वम्ह छम्ह अभियुक्तयात प्रहरीं ज्वंगु दु।
चितवनया भरतपुर महानगरपालिका–३ या १४ दँ दुम्ह किशोरयात भन्सार क्षेत्रपाखे सोमबाः प्रहरी ज्वंगु दु धका जिल्ला प्रहरी कार्यालय पर्साया प्रवक्ता प्रहरी नायब उपरीक्षक ओमप्रकाश खनालं जानकारी बिउगु दु।
क्षयरोगया उपचार यानाच्वंगु इलय् आइतबां अस्पतालं बिस्यू वंगु खः। भदौ १६ गते प्रतिबन्धित लागू वासः फेनारगन २१ थान नाप ज्वंगु खः।
पर्सा जिल्ला अदालतय् वयागु विरुद्ध लागू वासः ओसारपसार मुद्दा दर्ता जुया हिरासतय् तया प्रहरीं अनुसन्धान यानाच्वंगु खः। म्हतू हि ल्ह्वंया भदौ २२ गते उपचारया लागि नारायणी अस्पताल यकूगु खः।
आइतबाः सुथय् चःबिइ वनेगु त्वहचिना हतकडी त्वंता बिस्यू वंगु खः।
Categorized in अपराध