वंगु २४ घण्टाया दुने देयन्यक ९९४ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं ६१३७ म्हेसिगु पीसीआर परीक्षणय् ७७७ म्ह व ३७०३ म्हेसिगु एन्टिजेन परीक्षणय् २१७ म्ह याना ९९४ म्ह संक्रमण पुष्टि जूगु दु।

अथेहे २४ घण्टाया दुने कोरोना संक्रमणया कारण १२ म्ह सीउगु दु सा १३६८ म्ह संक्रमणमुक्त जूगु दु। आःतक देयन्यक कोरोना भाइरसया सक्रिय संक्रमितपि २७ हजार ३५५ म्ह दु।

उकिमध्ये २५ हजार ७०८ म्ह होम आइसोलेसनय् व १६४७ म्ह संस्थागत आइासोसलय् च्वना च्वंगु दु।

Categorized in राष्ट्रिय