नेकपा माओवादी केन्द्रया अध्यक्ष प्रचण्ड व अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) उपाध्यक्ष फतिमा सुमार दथुइ भेटवार्ता जूगु दु।

भेटवार्ताया लागि उपाध्यक्ष सुमार नापया टोलीं थौं शुक्रबाः सुथय् प्रचण्ड निवास खुमलटार वउगु खः। उगु खँल्हाबल्हा १ घण्टा जुगु खः। बिहीबाः नेपाः वयेवं हे सुमारं राजनीतिक भेटवार्ता जारी याउगु खः।

प्रतिपक्षी दल नेकपा एमालेया अध्यक्ष केपी शर्मा ओलीपाखे राजनीतिक भेटवार्ता सुरु याना बिहीबाः हे नेकपा एकीकृत समाजवादीया अध्यक्ष माधव कुमार नेपाल व जसपाया अध्यक्ष उपेन्द्र यादव व डा. बाबुराम भट्टराई नाप न सहलह याये धुकुगु दु।

अथेहे प्रधानमन्त्री शेरबहादुर देउवा व अर्थमन्त्री जनार्दन शर्मा नाप न भेटवार्ता याइगु ज्याझ्वः दु।

Categorized in राष्ट्रिय