वन्दे फल्चा शिलान्यास
शोभा श्रेष्ठ | ञंलाथ्व चतुर्थी ११४१, भाद्र २५ शुक्रवाः
येँ महानगरपालिका वडा १२ य् वन्दे फल्चा महानगरया मेयर विद्यासुन्दर शाक्य शिलान्यास यानादीगु दुु।
महानगरया मेयर विद्यासुन्दर शाक्य, उप मेयर हरिप्रभा खड्गी श्रेष्ठ व वडाध्यक्ष विकास डंगोलं फल्चा निर्माणया निति भूमिपुजा यानादीगु दु। फल्चा २७ फिट ४ इञ्च लम्बाई, ६ फिट ४ इन्च चौडाई व १४ फिट उचाइ दु
शिलान्यास लिपा सम्पदा पुननिर्माणया ज्या महानगर गन तक थ्यन? सचाःकमिपिनिगिु लिसः बिइगु झ्वलय महानगरया मेयर विद्यासुन्दर शाक्यं, महानगरया माग जुगु थाय् विवाद मजुगु थासय् सम्पदा निर्माण व पुननिर्माणया जुया च्वंगु दु धका धयादीगु दु। भुखाय् ब्बया जीर्ण जुगु व इलय वलय् मर्मत याये माःगु संरचनायात बचे यायेत गुठीयार, समुदाय व सरोकारवालानाप समन्वय याना न्ह्यावनाच्वनागु दु।
न्हापा समुदाय न बचे यानातःगु सम्पदायात राज्यया सहभागिताय् ल्हाः न्ह्याकगु दु। जिमिसं धयाच्वनागु दु। सम्पदा बचे यायेग निति योजना माग हयादीसे पुननिर्माण व मर्मत याना संरक्षण नाप उपभोगया लागि समुदायपिन्त हे जिम्मा बिइ। मेयर शाक्यं धयादीगु दु।
उगु ज्याझ्वलय् उप मेयर हरिप्रभा खड्गी श्रेष्ठं, येँया पहिचान हे सम्पदा क्षेत्र जूगुलि थुकिइ लगानी यायेत ग्यायेम्वाः। सांस्कृतिक संरचना सामाजिक सद्भावया केन्द्र न खः। थुकिया महत्व फल्चा स्वय वलय् चिधःगु योजना थे च्वं। तर सांस्कृतिक कोणपाखे थुकिया तधःगु महत्व दु।
वडाध्यक्ष विकास डंगोलं, फल्चा पुननिर्माण लिपा ज्यथा ज्यथिपिनिगु वन्देय् चहलपहल अप्वइगु भलसा कयादीगु दु। भ्याटनाप १८ लाख ७५ हजार रुपैयाँ निर्माण जुइगु उगु फल्चा निलाया दुने निर्माण सम्पन्न यायेगु लक्ष्य दु।
Categorized in राष्ट्रिय
