यलया बालकुमारी देगः पुनः निर्माण जुइगु
लहनान्युज | ञंलाथ्व द्धितीया ११४१, भाद्र २३ बुधवाः
![](https://www.lahananews.com/sites/default/files/bal-kuamari.jpg)
यल महानगरपालिका–८ य् बालकुमारी देगः पुनः निर्माण याइगु जुगु दु। विसं २०७२ या भुखाचं उगु देगःक्षति जूगुलि नँया टेका बिया तःगु खः।
कुमारीया न्ह्यने च्वंगु सत्तलय् गजू तया च्वःनिसे थुनेयेगु धका बालकुमारी मन्दिर पुनः निर्माण समितिया अध्यक्ष खड्गलाल महर्जनं धाउगु दु। ‘महानगरपालिकां विनियोजन याउगु ५० लाख व जनश्रमदानपाखे उठे जूगु ६ लाख याना ५६ लाखं ज्या न्ह्याके त्यनागु दु।’ धका महर्जन धाउगु खः। देगः पुनः निर्माणया कुल ४ करोड ४१ हजार रकम खर्च जुइगु अनुमान दु दातापि पाखे रकम सङ्कलन याना सम्पन्न यायेगु जुइ धका महर्जनं जानकारी बिउगु दु।’
नेपाल संवत् ७४२ य् सिद्धि नरसिंह मल्लया पालाय् उगु देगः छगु तल्ला पुनः निर्माण जूगु खः सा लिपा हाकनं योगनरेन्द्र मल्लया पालाय् नेसं ८१७ य् निगु तल्ला थपे याना स्वंगू तल्ला दयकूगु धका शिलालेखय् उल्लेख दु। यलया कृष्ण, तलेजु, भीमसेन, कुम्भेश्वर, बङ्गलामुखी, महालक्ष्मी स्थानया महालक्ष्मी, बटुक भैरव, बुगंद्यः, मीननाथ, पूर्णचण्डी अर्थात् सिद्धिलक्ष्मी व महाबौद्धमध्ये बालकुमारी द्यः न छगु प्रमुख द्यःमध्ये खः।
Categorized in राष्ट्रिय