संचारमन्त्री यात ज्ञापन पौ लःल्हात
लहनान्युज | कौलाथ्व दुतिया ११३७ (सेप्तेम्बर २१ २०१७)
![](https://www.lahananews.com/sites/default/files/aa_2.jpg)
संचारमन्त्री मोहन बहादुर बस्नेतयात नेपाल आदिवासी जनजाति पत्रकार महासंघ फोनिजया नेतृत्वय् मन्त्रालय हे वना ज्ञापन पौ लःल्हायेगु ज्या याःगु दु । राष्ट्रिय आम संचार प्रशिक्षण प्रतिष्ठान गठन यायेगु सरकारं अन्तिम तयारी याःगु अले उगु प्रतिष्ठानया नांया न्ह्यःने कृष्णप्रसाद भट्टराईया नां तयेत्यंगुलिं फोनिजं आपत्ति प्वंकूगु दु ।
सत्यनारायण बहादुर श्रेष्ठ नेपाल पत्रकार महासंघया संस्थापक नायः धकाः स्पष्ट जूगु अवस्थाय् नं गुगु कथं प्रतिष्ठानया नां तकं कृष्णप्रसाद भट्टराईया नामं तयेत्यन उकियात थःपिन्सं स्वीकार यायेफइमखु धकाः ज्ञापन पतिइ उल्लेख यानातःगु दु ।
ज्ञापन पौ फोजिनया मूछ्याञ्जे गजुर्धन राई नं लःल्हानादीगु खःसा मन्त्री बस्नेतं फोनिजलिसे सहलह ब्याका न्ह्याः वनेगु जुइ धकाः धयादिल ।
ज्ञापन पौ लःल्हायेत फोजिनया नेतृत्व नापं नेवाः पत्रकार राष्ट्रिय दबूया केन्द्रीय नायः श्रीकृष्ण महर्जन, दबूया न्वकू नापं नेपाल पत्रकार महासंघया केन्द्रीय दुजः टिकाराम प्रधान, मूछ्याञ्जे सुनिल महर्जन, दांभरी सुरेन्द्रभक्त श्रेष्ठ, केन्द्रीय दुजः रचना श्रेष्ठ अथे हे नेवाः पत्रकार रवि डंगोल लगायतयापिं सहभागी जुयादीगु खः ।