नेपाः व भारत दथुया निगूगु मैत्रीपूर्ण फुटबल कासा थौं जुइगु
गुंलागा द्वादशी ११४१, भाद्र २० आइतबाः
![](https://www.lahananews.com/sites/default/files/nepal_14.jpg)
नेपाः व भारत दथुया निगूगु मैत्रीपूर्ण फुटबल कासा थौं जुइत्यंगु दु ।
कासा सनिलय् ५ ता त्या इलय् त्रिपुरेश्वरस्थित दशरथ रंगशालाय् जुइ । निगू मैत्रीपूर्ण कासा अन्तर्गत बिहीबाः जूगु न्हापांगु कासा १गू÷१गू गोलया ज्वलिन्ज्वः जूगु खः । थःगु हे मैदान व समर्थक दथुइ थौंया कासा त्याकेगु नेपाःया आज्जु दु ।
नेपाली राष्ट्रिय फुटबल टिमया मुख्य प्रशिक्षक अब्दुल्लाह अलमुताइरीं न्हापांगु कासाय् जूगु द्वंकायात भिंका निगूगु कासा त्याकेगु आशा तःगु दु ।
माल्दिभ्सय् असोज १५ गते निसें जुइगु साफ च्याम्पियनसिपया तयारीया नितिं नेपाः व भारत दथुया मैत्रिपूर्ण फुटबल जूगु खः । भारतलिसेया मैत्रीपूर्ण कासालिपा नेपाली टोली थप तयारीया नितिं कतार वनेत्यंगु दु ।
कतारय् छुं वाया तयारी याना टोली अनपाखें माल्दिभ्स वनिइ ।
Categorized in कासा