येँ महानगरपालिका वडा २१ ग्वफः त्वालय् त्वाः छेँ (भवन) या शिलान्यास याउगु दु। येँँ महानगरया मेयर विद्यासुन्दर शाक्यं उगु भवन छगु ज्याझ्वः दथुइ शिलान्यास यानादीगु दु।

भवन शिलान्यास याये धुका मेयर शाक्य संचाःकमिपि नाप खँ ल्हायेगु झ्वलय् ध्यवा मदयेवं छु न परम्परागत सस्कार बन्द जुइ मखु। समुदायपाखे बचे याना तःगु संस्कारयात पुस्तान्तरण यायेत जिमिसं राज्यंपाखे सहभागिता कयादीगु दु।

शिलान्यास लिपा न्ववानादीगु झ्वलय् मेयर शाक्यं धयादीगु दु, ‘सांस्कृतिक भौतिक संरचनायात यथावत तयेगु, जीर्ण जुगु मर्मत सम्भार वा पुननिर्माण यायेगु व संस्कार ल्यका तयेगु  निति समुदायपाखे थुकिइ आकर्षण प्रोत्साहन यायेगु ज्या जुयाच्वंगु दु।

भौतिक संरचना दयका झीसं समुदाययात हस्तान्तरण याये। थुकिया संरक्षण व उपयोग समुदायपाखे जुइ।’ अथेहे वडाध्यक्ष उदयचुडामणि बज्राचार्य न, वडा २१ सांस्कृतिक वडा जुगुलि भौतिक अभौतिक सम्पदाया योजनायार्त  प्राथमिकताय् तय ज्या जुयाच्वंगु दु धका धयादीगु दु।

उगु भवनया लागत ५८ लाख ५० हजार रुपैयाँ दु।

Categorized in राष्ट्रिय