नेवाः न्ह्यलुवाः नाप संघिय समाजबादीया केन्द्रीय सदस्य पबित्र बज्रचार्य वंगु शुक्रवाः मोटरसाइकल दुर्घटना जुया घाःपाः जुगु दु।

वयकःया स्वय्म्भुया पसलं छेँ लिहावयेगु झ्वलय् न्हिनसिया १२ः१५ बजे मेगु मोटरसाइकलं नका घाःपाः जुगु खः। वयकलं लहनान्युजनाप खँल्हादीसेँ “वाः पसलं छेँ लिहावया च्वनागु इलय् गःचाः हिलेयेगु लँ न्ह्यःन्ये छगः स्पिदं मोटरसाइकल हयाच्वंगु खःना थम्हेसिया ब्रेक ज्वनागु उगु इलय् मोटरसाइकल ग्वःतूला घाःपाः जुगु खः” धका वयकलं धयादीगु खः।

उगु दुर्घटना जुया वयकःया जवंगु ल्हातय् क्वँय् त्वःधुगु दु सा जवगु तुतिइ न घाः जुगु दु। वयकः आः छेँय् च्वना हे उपचार याना च्वंगु दु।

Categorized in राष्ट्रिय