शेयर बजाःया परिसूचक नेप्से थौं मङ्गलवाः ६९ अङ्कं घटे जुगु दु। दक्को समूहया शेयर कुहावंगु दु।

नेप्सेय् ६९ दशमलव शून्य ५अङ्कं घटे जुया २ हजार ९ सय ७५ दशमलव ८४ विन्दुइ कुहावंगु दु। थौं बैंकिङ समूहया शेयर २३ अङ्कं, विकास बैंक समूहय् २ सय ५ अङ्क, व्यापारय् १ सय ६ अङ्क, होटलय् ४६ अङ्क व जलविद्युत् समूहं शेयर १ सय २४ अङ्क घटे जुगु दु।

अथेहे फाइनान्सय् १ सय १ अङ्क, माइक्रोफाइनान्सया १ सय ६४ अङ्क, बीमा समूहया ४ सय ४७ अङ्क, निर्जीवन बीमा समूह ३ सय ७२ अङ्क, उत्पादनय् १ सय ९८ अङ्कं व मेमेगु समूहया शेयर ६२ अङ्कं घटे जुगु दु। थौं दकलय् अप्वो रुरु जलविद्युत् कम्पनीया शेयर १० प्रतिशतं घटे जुगु दु।

समग्र बजा जुगुलि कर्णाली विकास बैंकया साढे ७ व मनकामना स्मार्ट लघुवित्त कम्पनीया शेयर ६ प्रतिशतं थहावंगु दु। थौं २ सय २७ कम्पनीया २ करोड ३१ लाख कित्ता शेयर १३ अर्ब २५ करोड रुपैयाँ किनबेच जुगु दु।

दकलय् अप्वो अरुण भ्याली हाइड्रोया १ अर्ब १ करोड रुपैयाँया शेयर किनबेच जुगु खः।

Categorized in राष्ट्रिय