अफगानिस्तानय् मिजं व मिसा ब्वंमि त छगू हे ब्वनेकुथिइ ब्वनेत रोक
गुंलागा अष्टमी ११४१, भाद्र १४ सोमवाः
![](https://www.lahananews.com/sites/default/files/ttt_0.jpg)
अफगानिस्तानय् तालावानी विद्रोहीं मिसायात सम्मान यायेगु धका सहशिक्षा निती खारेज यायेगु निर्णय याःगु दु ।
तालीवानं ब्वनेकु, कलेज व विश्व विद्यालयस छात्र व छात्रात छगू हे थासय् च्वना ब्वने मदइगु व मिसा ब्वंमितयेत मिजं स्यनामिं ब्वंके मदइगु नियम लागू याःगु दु ।
तालीवानया कार्यवाहक शिक्षा मन्त्रीया रुपय् अब्दुल बाकी हक्कानीयात नियुक्त यायेधुंका थुगु नियम लागू जूगु खः । गुकिया हुनिं ल्वापुइ लाना ब्वनेगु पाखे छखे लाःपिं अनया ब्वंमित थप बामय्काःगु दु ।
न्हुगु नियम कथं न्हापाया ब्वनेकु, कलेज व विश्वबिद्यालयया छात्रतयेसं पठनपाठन क्षेत्र हिलेमालिगु जूगु दु ।
मिसातये सम्मानया नितिं थुगु नियम लागू जूगु धका तालीवानं थुकिं लाइगु लिच्वःयात सामना यायेत अपिल नं याःगु दु ।
Categorized in अन्तर्राष्ट्रिय