राष्ट्रपति विद्यादेवी भण्डारीं श्रीकृष्ण जन्माष्टमी पर्वया लसताय् छगु भिंतुना सन्देश जारी यानादीसे स्वदेश व विदेशय् च्वपि सकल नेपाःमिपिनिगु सुख, शान्ति, समृद्धि व सुस्वास्थ्यया कामना यानादीगु दु।

राष्ट्रपति बियादीगु सन्देशय् थुगु पर्व न सकल नेपाःपिनिगु भावनात्मक एकताया सूत्रमा आबद्ध याना राष्ट्रिय एकतायात अझ बल्लाकेत ग्वहालि याइगु भलसा कयादीगु दु।

राष्ट्रपतिया सन्देशय् धयादीगु दु,‘थुगु पर्वं बहुजातीय, बहुभाषिक व बहुसांस्कृतिक विविधतायुक्त झीगु समाजयात भावनात्मक एकताया सूत्रय् आबद्ध याना राष्ट्रिय एकतायात थप सुदृढ दयकेत ग्वाहालि जुगु अपेक्षा यानागु दु।’

Categorized in राष्ट्रिय