मखंया थीथी थासय् सीसी क्यामरा जडान
लहानान्युज | गुंलागा सप्तमी ११४१, भाद्र १३ आईतवाः
![](https://www.lahananews.com/sites/default/files/cc-24.jpg)
येँ महानगरपालिका वडा नं. २४ या मखं त्वाःया थीथी थासय् सीसी क्यामरा जडान यायेगु ज्या जूगु दु।
उगु सीसी क्यामरा जडान यायेगु लागि बागमति प्रदेश पूर्वाधार साझेदारी ज्याझ्वः अन्तर्गत बागमति प्रदेश सांसद राजेश शाक्यया बजेत उगु ब्यवस्था यागु खः।
समूहया अध्यक्ष सुजनविलास वज्राचार्यया सभाध्यक्षताय् जूगु उगु ज्याझ्वलय् मूपाहां प्रदेश सांसद शाक्यं जनताया करयात सही थासय् सदुपयोग याये कथं स्थानीयलिसे सहलह यानाः आवश्यकतायात ध्यानय् तयाः माः कथं ग्वाहालि याना वनेगु जुइ धका धयादिगु खः।
समूहया सचिव शैलेन्द्रविलास वज्राचार्यं लसकुस यानादीगु उगु ज्याझ्वलय् २४ वडाअध्यक्ष बालकृष्ण श्रेष्ठया नं उपस्थिति दुगु खःसा मखं बहाःया सचिव सागरमान वज्राचार्य, २४ या वडा सदस्य विनोद तुलाधरं नुगःखँ प्वंकादीगु खः।
मखं त्वाःया थीथी थासय् ताःई न्ह्यवंनिसें आपराधिक गतिविधि जुया वयाच्वंगुलिं सीसी क्यामराया जडानं अज्याःगु गतिविधि नियन्त्रण याये फइगु विश्वास प्वंकूगु दु।
Categorized in राष्ट्रिय