जनता समाजवादी पार्टी (जसपा)या अध्यक्ष उपेन्द्र यादवं थःत मधेशया नेता धाइम्ह महन्थ ठाकुर प्रतिगमनया मतियार जुगु द्धपः बिगु दु।

महन्थ ठाकुर समूह संसद विघटन याम्ह केपी शर्मा ओलीया मतियार जुगु धक द्धपः बिगु खः। जसपां आइतबाः भैरहवाय् जूगु प्रदेशस्तरीय अभिमुखीकरण ज्याझ्वलय् न्ववायेगु झ्वलय् यादवं निकः तक संसद विघटन यागु ओलीं छम्हेसित हे निकः मृत्युदण्डया सजाय बिउगु धका टिप्पणी यागु खः।

‘त्रुटिपूर्ण व विभेदकारी संविधान संशोधन यायेमाः। सात प्रदेशया संरचना हिलेमाः,’ वयकलं धागु दु। राज्य पुनर्संरचना सच्ये यायेगु आवश्यक दु धासे यादवं धागु दु, तराई व पहाडया जिल्लायात मिसे याना प्रदेश दयकूलि हे समस्या जूगु धका धागु दु।

दक्को भाषाया सम्मान यासे विभेद व असमानताया अन्त्य यायेमाःगु आवश्यकता दु धासे वयकलं धागु दु, ‘पहाडया पासापिन्स मधेसया पासापिनिगु भाषण थुइके थाकू, थ्वे राज्य पुनर्संरचना गलत जुया जुगु खः।

Categorized in राष्ट्रिय