किपू नगरपालिका वडा नं. १ य् झोल सावः व ह्याण्ड वास दयकेगु तालिम क्वतागु दु।

वडाया गलेश्वर महाद्यः सामुदायिक भवनय् निन्हु तक जूगु तालिमय् सहभागी ४० म्ह मिसापिन्स ब्बति कागु खः। उगु ज्याझ्वःया मूपाहाँ किपू नगरपालिकाया मेयर रमेश महर्जनं ब्बतिकापिन्त दसिपौ लल्हागु खः।

उगु ज्याझ्वलय उप–मेयर सरस्वती खड्का, वडा नं. २ या अध्यक्ष रमेशमान डंगोलपिनिगु न उपस्थिति दुगु खः। निन्हु यकं जुगु उगु तालिमय् प्रमिला महर्जन व ज्ञानदेवी महर्जनं प्रशिक्षण बिगु खः। 

Categorized in राष्ट्रिय