नेपाल पञ्चाङ्ग निर्णायक विकास समितिं थुगुसी न्यायेकीगु येँयाः जात्रा यागु साइत पित बिउगु दु ।

समितिं पित बिउगु साइत कथं थ्वः हे वइगु भदौ २३ गते सुथय् १०ः५२ बजे यःसिं कायेगु लागिं वन प्रस्थान जुइ । वकुन्हु हे बहनी ७ः२७ बजे सिमा पालेगु शुरु जुइसा भदौ २९ गते सुथय् १०ः३४ बजे यःसिंयात नगर प्रवेश याकी।

अथेहे असोज २ गते शनिवाः सुथय् ६ः५१ बजे यःसिं थनीगु साइत पित बिउगु दु । असोज ३ गते कुमारीया रथ क्वःने सालीसा असोज ४ गते थःने साली । असोज ८ गते शुक्रवाः बहनी १०ः३६ बजे यःसिं क्वःथली ।

यःसिं क्वःथलेवं उगु दँया येँयाः क्वचाइ । कोरोना महामारीया कारणं थगुने येँयाः मन्यायेकूगु खःसां थुगुसी धाःसा जात्रा न्यायेकेगु कथं तयारी न्ह्यानाच्वंगु दु ।

Categorized in राष्ट्रिय