वंगु २४ घण्टाया दुने देयन्यक थप २,०६५ म्हेसित कोरोना भाइरस संक्रमण पुष्टि जुगु दु।

८,७५२ म्हेसिगु पीसीआर परीक्षण यागुलि १,५७७ म्हेसित व ४,३६५ म्हेसिगु एन्टिजेन परीक्षणय् ४८८ म्ह याना २,०६५ म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे कोरोना संक्रमणपाखे थप २५ म्ह सीगु दुसा २,३३७ म्ह संक्रमणमुक्त जुगु दु धका धागु दु। थ्व नाप नेपालय् कोरोना संक्रमितपि ७ लाख ५६ हजार ७९२ म्ह थ्यंगु दु।

अथेहे नेपालय् सीपि १० हजार ६६३ म्ह थ्यंगु दु सा ७ लाख ८ हजार २३० म्ह संक्रमणमुक्त जुइ धुकुगु दु।

Categorized in राष्ट्रिय