निन्हु लगातार तसकं कुहावःगु शेयर बजाः थौं बिहीवाः थहावंगु दु।

नेप्से थौं १७ दशमलव ५७ अङ्कं थहावना ३ हजार ९४ दशमलव शून्य १ विन्दुइ थ्यंगु दु। थौं जलविद्युत् समूहया शेयर १६९ अङ्क, विकास बैंकया शेयर २४१ अङ्क, फाइनान्सया १२०, माइक्रोफाइनान्सया ३७ व होटल समूहया शेयर साढे ११ अङ्कं थहावंगु दु।

बैंक, व्यापार, बीमा, मेमेगु व लगानी समूहया शेयर धासा घटे जुगु दु। थौं कर्पोरेट व नारायणी विकास बैंक, श्री इन्भेस्टमेन्ट फाइनान्स, अरुण भ्याली हाइड्रो, आँखुखोला जलविद्युत्, घलेम्दी हाइड्रो, खानीखोला हाइड्रो, जीवन विकास लघुवित्त व गुहेश्वरी मर्चेन्ट बैंकया शेयर १० प्रतिशतं थहावना सकारात्मक सर्किट लागु दु।

थौं २३२ कम्पनीया २ करोड १६ लाख कित्ता शेयर १३ अर्ब ४२ करोड रुपैयाँ कारोबार जुगु दु। दकलय् अप्वो अरुण भ्याली हाइड्रोया ९३ करोड ८४ लाख रुपैयाँया शेयर किनबेच जुगु दु।

Categorized in राष्ट्रिय