प्रस्तावित नेकपा एकीकृत समाजवादीया अध्यक्ष माधवकुमार नेपालं थःगु हे सहमतिइ अष्टलक्ष्मी शाक्य बाग्मती प्रदेशया मुख्यमन्त्री जुगु धका धागु दु।

तर आः छु जुइ शाक्यया भरय् जुइ धका धागु दु। नेता नेपालं न्हुगु पार्टी दर्ता यायगु इलय् डोरमणि पौडेलं राजीनामा बिया शाक्य न्हुम्ह मुख्यमन्त्री जुगु खः। तर शाक्य नेकपा एकीकृत समाजवादीइ वंगु धासा मदुनि। प्रस्तावित नेकपा एकीकृत समाजवादीया अध्यक्ष नेपालं धासा मुख्यमन्त्री शाक्यं आः छगु दल ल्ययेमाः धका धयादीगु खः।

मंगलबाः चन्द्रगिरिइ सञ्चाःकःमि नाप खँ ल्हानादीसे नेता नेपालं धागु दु, ‘वयकः (अष्टलक्ष्मी) न सहमति कागु हे खः । तर वयकः अप्ठ्याराय् दु।’ राजनीतिक दलसम्बन्धी अध्यादेश कथं प्रदेश व स्थानीय तहया जनप्रतिनिधिपिन्स २१ दिं दुने दल ल्ययेमाः धका धयादीसे नेता नेपालं धागु दु, ‘जब पार्टी अलग जुइ धुकूगुलि छगु पार्टी ल्ययेमाःगु अवस्था दु। आः वयकःया भरे जुगु, जिं यक्को धायेमालि मखु।’

Categorized in राष्ट्रिय