जिल्ला सभापतिपि च्वंगु धर्नाय् नेता गोपालमान श्रेष्ठ
लहानान्युज | गुंलागा द्धितीया ११४१, भाद्र ८ मंगलवाः
![](https://www.lahananews.com/sites/default/files/gopal-man.jpg)
नेपाली कांग्रेसया वरिष्ठ नेता रामचन्द्र पौडेल पक्षया जिल्ला सभापतिपि च्वंगु धर्नाय् नेता गोपालमान श्रेष्ठं न ऐक्यबद्धता क्यंगु दु।
कांग्रेस केन्द्रीय कार्यालय सानेपाय् वना श्रेष्ठं धर्नाय् ऐक्यबद्धता क्यनादीगु खः। नेपाली कांग्रेसया क्रियाशील सदस्यताया सूचीइ सार्वजनिक याये माःगु लगायतया स्वंगु बुँदे माग तया पौडेल पक्षया जिल्ला सभापतिपिन्स थौं निसे धर्ना सुरु यागु खः।
थ्व स्वया न्ह्यः जिल्ला सभापतिपिन्स सभापति शेरबहादुर देउवायात भदौ ७ गते तक ई बिगु खः।
Categorized in राष्ट्रिय