रोजगारीया झ्वलय् अफगानिस्तानय् वंपि २८८ म्ह नेपाःमिपिनिगु उद्धार यानागु दु धका परराष्ट्र मन्त्रालयं धागु दु।

मन्त्रालयया कथं मित्रराष्ट्रपि नाप निरन्तर कुतः व समन्वयय् २८८ म्ह नेपाःमिपिनिगु उद्धार याना येँ हःगु दु। भदौ १ गते सुथय् ११८ म्ह व चान्ह्य ८४ म्ह व भदौ २ गते सुथय् ६१ म्ह व बहनि २५ म्ह येँ हःगु खः।

अफगानिस्तानपाखे उद्धार याना थप नेपाःमिपि नेपाल हयेगु प्रकृया न्ह्याकगु दु धका परराष्ट्र मन्त्रालयं धागु दु। उद्धार याना सामाखुशीइ सरकारं व्यवस्थापन याना होल्डिङ सेन्टरय् तयेगु व स्वास्थ्य मापदण्ड कथं कोभिड–१९ या परीक्षणलगायत प्रक्रिया याना छेँ छ्वयेगु तयारी यागु दु।

Categorized in राष्ट्रिय