नेप्सेय् न्हुगु रिकर्ड
शोभा श्रेष्ठ | गुंलाथ्व एकादशी ११४१,भाद्र २ बुधवाः
![](https://www.lahananews.com/sites/default/files/nepse_0.jpg)
शेयर कारोबार मापक नेप्से परिसूचक आःतक हे दकलय् उच्च विन्दुइ थ्ंयगु दु। बुधबाः नेप्से परिसूचक ३ हजार २ सय न्ह्यने थ्यका न्हुगु रेकर्ड कायम जुगु दु।
थ्व स्वया न्ह्यः ३ हजार १७९ अंकय् थ्यका न्हुगु रेकर्ड कायम जुगु खः। नेप्से परिसूचक नाप कारोबारय न थौं बुधबाः उत्साह खनेदुगु दुगु। कारोबार रकम धासा २१ अर्ब ६४ करोड स्वया न्ह्यने थ्यका न्हुगु रेकर्ड तोडे याये फुगु मदुनि।
नेप्से परिसूचक ३८ दशमलव २८ अंकं थहावना ३ हजार १९८ दशमलव ६० अंकय् थ्यंगु दु। ‘क’ वर्गया कारोबार मापन यायगु सेन्सेटिभ इन्डेक्स न ४ दशमलव ८३ अंकं थहावंगु दु। कारोबार रकम न २१ अर्ब स्वया अप्वो थ्यंगु दु।
थौं जुगु १ लाख ८८ हजार ४५४ कारोबारपाखे २२८ कम्पनीया ३ करोड ६५ लाख ९ हजार ७५१ कित्ता शेयर किनबेच जुगु खः। उकिइ कारोबार रकम २१ अर्ब ३१ करोड ३४ लाख ८९ हजार २६९ कित्ता रुपैयाँ थ्यंगु दु।
Categorized in राष्ट्रिय