नेकपा एमालेया वरिष्ठ नेता माधवकुमार नेपाल समूह न राजनीतिक दलसम्बन्धी अध्यादेश हयेवं न्हुगु दल दर्ता यायेगु तयारी यागु दु।

सरकारं संसदीय दल वा केन्द्रीय समितिं २० प्रतिशत थ्यकलकि दल विभाजन याये फइगु अध्यादेश मंगलबाः हे राष्ट्रपति समक्ष सिफारिश यागु दु।

अय्न राष्ट्रपतिं प्रमाणीकरण याये ल्यनिइ। राष्ट्रपतिं अध्यादेश जारी यातकि न्हुगु दल दर्ता यायेगु तयारी जुयाच्वंगु दु धका नेपाल समूहया छम्ह केन्द्रीय सदस्यं जानकारी बिगु दु। ‘५७ म्ह केन्द्रीय सदस्यपिन्स हस्ताक्षर संकलन जुयाच्वंगु दु। थौं न छम्ह वइ’ वयागु कथं धागु दु,‘अध्यादेश वयेवं दल दर्ता जुइ।’ नेतापिनिगु कथं न्हुगु दलया नां नेकपा एमाले समाजवादी तयेगु तयारी दु।

मेगु नां न विकल्पय् तया छलफल जुयाच्वंगु दु धका छम्ह केन्द्रीय सदस्य धागु दु, नेकपा एमाले समाजवादी हे फाइनल खः।’ न्हुगु दलया अध्यक्षय् माधवकुमार नेपाल हे जुइ मेपि पदाधिकारीबारे छलफल जुगु मदुनि।

Categorized in राष्ट्रिय