वंगु २४ घण्टाया दुने देयन्यक ३,२७४ म्हेसित कोरोना भाइरस संक्रमण पुष्टि जुगु दु।

११ हजार ५ सय ६५ म्हेसिगु पीसीआर परीक्षण यागुलि २ हजार ४५६ म्ह व ६ हजार १२४ म्हेसिगु एन्टिजेन परीक्षण यागुलि ८ सय १८ म्ह याना ३ हजार २७४ म्हेसित कोरोना भाइरस संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे २४ घण्टाया दुने थप कोरोना संक्रमणं २७ म्ह सीगु दु सा १ हजार ९२९ म्ह कोरोनामुक्त जुगु दु। थ्व नाप थौं मंगलबाः थपे जगु नाप नेपालय् कोरोना संक्रमितपि ७ लाख ३७ हजार २२९ म्ह थ्यंगु दु ।

अथेहे सीपि १० हजार ३५४ म्ह थ्यंगु दु सा ६ लाख ८७ हजार ६९ म्ह संक्रमणमुक्त जुगु दु।

Categorized in राष्ट्रिय