पीपीसी सिमेन्टया बिक्रीइ रोक
लहानान्युज | गुंलाथ्व दशमी ११४१, भाद्र १ मंगलवाः
![](https://www.lahananews.com/sites/default/files/11_9.jpg)
भूगर्भ पिपिसी सिमेन्ट नेपाल गुणस्तर परीक्षणय् असफल जुगु दु।
नमूना परीक्षण् सिमेन्टया भारवहन क्षमता नेपाल गुणस्तर मापदण्ड बमोजिम मजुगु धासे नेपाल गुणस्तर तथा नापतौल विभागं धागु दु। गुणस्तर ‘फेल’ जुगुलि भूगर्भ सिमेन्ट उद्योग प्रालिपाखे उत्पादित दक्को प्रकारया पीपीसी सिमेन्टया बिक्रीइ रोक लगे यागु दु धका विभागया प्रवक्ता दिनानाथ मिश्रं जानकारी बिगु दु।
‘सिमेन्टं गुणस्तरहीन जुगुलि बिक्रीइ रोक लगे याना कम्पनीयात १५ दिं स्पष्टीकरण न्यंगु खः, स्पष्टीकरणया लिसः वयेव थप कारबाहीबारे निर्णय जुइ,’ प्रवक्ता मिश्रं धागु दु। सिमेन्टया कम्प्रेसिभ क्षमता परीक्षण यागु इलय् स्वन्हु दुने १६ एमपीए वयेमाःगुलि ९ जक वंगु खः।
अथेहे ७ दिं दुने भारवहन क्षमता २२ एमपीए वयेमाःगुलि १५ ज कवंगु धका विभागं धागु दु। विभागं कारवाहीलिपा अपोलो, क्र्याष्टल व देउराली ब्राण्डया पिपिसी सिमेन्ट बिक्रीइ रोक लगे यागु दु।
Categorized in राष्ट्रिय