अफगानिस्तानपाखे कतार जुया ११८ म्ह नेपाःमि येँ हःगु दु। उमित जजिरा एयरं विमानपाखे थौं सुथय् येँया त्रिभुवन अन्तर्राष्ट्रिय विमानस्थलय् अवतरण यागु खः।

अफगानिस्तानया काबुलपाखे अमेरिकी एयरफोर्सं उमित उद्धार यासे कतारया दोहा हःगु दु।परराष्ट्र मन्त्रालयं ११८ म्ह नेपाःमिपिन्त येँ थ्यःगु धका ट्वीटरपाखे जानकारी बिगु दु।

नेपाल नागरिक उड्डयन प्राधिकरणया छम्ह अधिकारीं अफगानिस्तानपाखे कुबेत जुया १२७ म्ह थौं सुथय् येँ हःगु जानकारी बिगु खः। अमेरिकी दूतावासया सुरक्षागार्डया रूपय् नेपाःमि छ्वयागु धका कम्पनी एफएसआई वर्ल्डवाइड नेपालया सञ्चालक बुद्धिबहादुर गुरुङं न ३८५ म्ह नेपालीयात अमेरिकां उद्धार याना थ्यकागु व उकि मध्ये १२७ म्ह थौं सुथय् नेपाल वःगु धका धागु दु। अय्न नेपाल अवतरण यापि १२७ म्ह मध्ये भचा भारतीय नागरिक न दुगु धका धागु दु।

Categorized in राष्ट्रिय