वंगु २४ घण्टाया दुने देयन्यक ३,२६० म्हेसित कोरोना भाइरस संक्रमण पुष्टि जूगु दु।

१० हजार ८ सय ६ म्हेसिगु पीसीआर परीक्षण यागुलि २ हजार ४७३ म्ह व ४ हजार ६५६ एन्टिजेन परीक्षण यागुलि ७ सय ८७ याना ३ हजार ३,२६० म्हेसित कोरोना भाइरस संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे वंगु २४ घण्टाय् कोरोना संक्रमणं ३२ म्ह सीगु दु सा २ हजार २९४ म्ह कोरोनामुक्त जुगु दु। थौं नाप थपेजुलि आःतक नेपालय् कोरोना संक्रमित जूपि ७ लाख २५ हजार ७६९ म्ह थ्यंगु दु।

अथेहे सीपि १० हजार २१२ म्ह थ्यंगु दु सा ६ लाख ७७ हजार ३७७ म्ह संक्रमणमुक्त जुइ धुकुगु दु।

Categorized in राष्ट्रिय