मन्त्रिपरिषदयात पूर्णता मबिगु विषय सत्तारुढ नेपाली कांग्रेसया हे सांसदपिन्स न्ह्यसः तःगु दु। थौं बिहीबाः प्रतिनिधिसभाया विशेष ई कया न्ववायेगु झ्वलय् कांग्रेस सांसद गगन थापां मन्त्रिपरिषद विस्तार छाय् मजुगु धका न्ह्यसः तःगु खः।

‘मन्त्रिपरिषदयात पूर्णता छाय् मबियागु ? दुने छु जुयाच्वन थ्व जनता सिइमखु’ वयकलं धागु दु। न्हुगु सरकारं ज्यापाखे जनतापिन्त लिसः बिगु मागु धासे साझा न्यूनतम कार्यक्रम कथं ज्यान्हया वनेत सरकारयात इनाप यागु खः।

सांसद थापां प्रमुख विपक्षी दल नेकपा एमालेया अध्यक्ष केपी ओलीं सशस्त्र युद्धय् घाइते जूपिन्त उपचार थःगु पार्टी कार्यालय वयेत इनाप यागुलि आपत्ति यागु दु।

Categorized in राष्ट्रिय