प्रमुख विपक्षी दलया नेता केपी शर्मा ओलीं सरकारया न्यूनतम साझा कार्यक्रमयात ‘लँय् ह्वला तःगु भ्वँ’ धका टिप्पणी यागु दु।

२८ असारय् प्रतिनिधिसभा पुनःस्र्थापना नाप प्रधानमन्त्रीपाखे हटे जुम्ह ओलीं थौं मंगलबाः न्हापागु पटक संसदय् सम्बोधन यागु खः।

उगु झ्वलय् ओलीं थःगु नेतृत्वया सरकारं यानागु ज्यायात बचे यासे, वर्तमान सरकार व सत्तारुढ गठबन्धनया आलोचना यागु खः। सरकारया साझा न्यूनतम कार्यक्रमयात संकेत यासे लँय् ह्वला तःगु भ्वँया संज्ञा बिया व उकिइ प्रतिपक्षयात सराबिया जक राष्ट्रिय सहमतिया लागि पहल याइगु उल्लेख यागु धका ओली धागु दु।

एमाले संसदीय दलया नेता ओलीं धागु दु, ‘गज्यागु बालागु तरिका ! प्रमुख प्रतिपक्षयात ख्याना राष्ट्रिय सहमति ।’ धका धागु खः।

Categorized in राष्ट्रिय