टोकियो ओलम्पिक ३६ लुँया तक्मा लिसें चीन न्ह्यने हे
दिल्लागा चतुर्दशी ११४१,साउन २३ सनिवाः
![](https://www.lahananews.com/sites/default/files/olympic.png)
टोकियो ओलम्पिक २०२०य् चीनं थःगु शीर्षतायात कायम हे तयातःगु दु ।
चीनं आःतक्क ३६ लुँ, २६ वहः व १७ कँय्या यानाः ७९ तक्मा त्याकूगु दु । चीनयात लिनाच्वंगु अमेरिकां ३१ लुँ, ३६ वहः व ३१ कँय् यानाः मुक्कं ९८ तक्या त्याकूगु दु ।
ग्वसाः खलः देय् जापान २४ लुँ, ११ वहः व १६ कँय् यानाः ५१ तक्मा त्याकाः स्वंगूगु थासय् यथावत दु । बेलायत १८ लुँ, २० वहः व २० कँय्या यानाः मुक्कं ५८ तक्मालिसें प्यंगूगु थासय् दु ।
न्यागूगु थासय् दुगु रसियन ओलम्पिक कमिटी टोलीया १७ लुँ, २३ वहः व २२ कँय्लिसें ६२ तक्मा त्याकूबलय् १७ लुँ, ६ वहः व २१ कँय्या यानाः मुक्कं ४४ तक्मा त्याकाः अष्ट्रेलिया खुगूगु थासय् कुहांवःगु दु ।
टोकियो ओलम्पिकय् २सः व ५ राष्ट्र व शरणार्थी टोलीमध्ये आःतक्क ६३ राष्ट्रं लुँया तक्मा त्याकूबलय् ८९ राष्टं पदक त्याकेत ताःलाःगु दु ।
Categorized in कासा