सभामुख अग्निप्रसाद सापकोटां भुखाचं क्षतिग्रस्त जूगु संसद् भवनयात सङ्ग्रहालय दयकेगु योजना दु धका धागु दु।

विसं २०७२ वैशाखय वंग भुखाचं क्षतिग्रस्त जुया आः जीर्ण अवस्थाय् दुगु सिंहदरबारया संसद् भवन अवलोकन यासे वयकलं पुरातात्विक महत्व दुगुलि संरचना यात संरक्षण यायेमाःगु धका धयादीगु खः। ‘संसद् भवनया संरक्षण आवश्यक दु, प्राविधिक टोली नाप छलफल याना आवश्यक पलाः ल्ह्वनेमाः’, अवलोकन लिपा वयकल धयादीगु दु, ‘सङ्ग्रहालय नाप थुकियात पुस्तकालयया रुपय् विकास यायेमाः।’

निदँ न्ह्यः प्रतिनिधिसभाया विकास व प्रविधि समितिं पुलागु संसद् भवनयात थुना ‘स्टेट गेस्ट हाउस’ दयकेत सरकारयात निर्देशन बियागु दु । वया यलिपा थुगु भवनबारे सरकारं छु न पलाः ल्ह्लंगु मदु। सभामुख सापकोटां अवलोकन भ्रमणलिपा जीर्ण भवनबारे धिसिलागु पलाः छिलिइगु भलसा कयादीगु दु।

Categorized in राष्ट्रिय