कोरोना बीमाया भुक्तानी स्थगित
दिल्लागा अष्टमी ११४१,साउन १७ सोमवाः
सरकारं क्वःज्यूगु रकम निकासा यायेत लिबाकूबलय् दक्वं निर्जीवन बीमा कम्पनीतय्सं कोरोना बीमाया दाबी भुक्तानी स्थगित याःगु दु ।
नेपाल बीमक संघया आह्वानय् २० निर्जीवन बीमा कम्पनीतय्सं कोरोना बीमाया दाबी भुक्तानी मयायेगु औपचारिक निर्णय हे याःगु खः । सरकारं बजेट निकासा मयाःबलय् कम्पनीतय्सं वैशाख न्ह्यःया हे कोरोना बीमाया दाबी भुक्तानीइ लिबाकूगु खः ।
आः औपचारिक रूपं हे कोरोना बीमाया दावी भुक्तानी स्थगन यानागु संघं न्ह्यथंगु दु । सरकारं प्रतिबद्धता याःकथं रकम निकासा मयाःबलय् दाबी भुक्तानी स्थगन यानागु संघया धापू दु ।
सरकारं धेबा निकासा मयाःगु अवस्थाय् कम्पनीतय्त थःगु हे कोषं दाबी भुक्तानी यायेत समस्या जूगु व आः सरकारं धेबा निकासा यायेधुंकाः जक दाबी भुक्तानीया ज्या न्ह्याइगु संघं न्ह्यथंगु दु ।
Categorized in राष्ट्रिय
