स्वास्थ्य मन्त्रालयया कथं थौं स्वनिलय् थप ९९९ म्हेसित कोरोना संक्रमित थपे जुगु दु। अथेहे थौं येँ जक ६७७ म्हेसित कोरोना सक्रमित जुगु दु।

अथेतु ख्वपय् १२५ म्ह व यलय् १९७ म्हेसित कोरोना संक्रमण खनेदुगु धका मन्त्रालयं धागु दु। अथेहे येँ आः ५ हजार ९१० म्ह सक्रिय संक्रमितपि दु सा १ हजार ९४९ म्ह सी धुकुगु दु।

स्वास्थ्य मन्त्रालयया कथं झापाय् ३१४, मोरङय् १२०, सुनसरीइ १०६, नवलपरासी पूर्वय् १०५ व चितवनय् ९८ म्ह कोरोना संक्रमण पुष्टि जुगु दु। अथेहे मकवानपुरय् ८४, कास्कीइ ६२, धादिङय् ६१, रुपन्देहीइ ५३, काभ्रे व सिन्धुपाल्चोकय् ३०÷३० म्ह, नुवाकोटय् २९, धनकुटा व रामेछापय् २१÷२१ म्ह कोरोना संक्रमण जूगु दु।

बागलुङय् १८, इलामय् १७, दाङय् १६, अर्घाखाँचीइ १४, पाल्पाय् १२ व नवलपरासी पश्चिमय् १० म्ह कोरोना संक्रमित थपे जूगु दु धका स्वास्थ्य तथा जनसंख्या मन्त्रालयं धागु दु।

Categorized in राष्ट्रिय