स्वनिगःया निषेधाज्ञा थौं क्वचाइगु
लहनान्यूज | दिल्लाथ्व प्रतिपदा ११४१, साउन १० आइतबाः
स्वनिगःया निषेधाज्ञा विषयस सहलहया नितिं स्वंगू जिल्लाया प्रमुखपिं थौं मुँज्या च्वनिगु जूगु दु ।
येँ स्वनिगःलय् न्ह्यानाच्वंगु निषेधाज्ञाया ई थौं चान्ह्य् क्वचाइ । कोरोना कजय्या नितिं धासें वंगु वैशा १६ गतेनिसें न्ह्यनाच्वंगु निषेधाज्ञाया ई थपू याना साउन १० गते तक्क याःगु खः ।
निषेधाज्ञा यायेगु झ्वलय् यक्वः हे छ्वासुका यंकूगु दु । क्वछिनातःगु ईलय् दक्व प्रकारण पसः चायेकेगु तःहाकगु लिसें चीहाकगु सवारी सधान न्ह्याकेगु अनुमति तकं बिउगु दु ।
लिपांगु ईलय् निषेधाज्ञा छ्वासुसें कोरोना संक्रमणया दर नं अप्वःया वःगु दु । थुजागु ईलय् निषेधाज्ञा थपू यायेगु वा मयायेगु धैगु सहलहया नितिं स्वंगु हे जिल्लाया प्रमुख जिल्ला अधिकारीपिनिगु मुँज्या च्वनेत्यंगु खः ।
निषेधाज्ञा थपू यात धाःसा थुकिया अझ प्रभावकारी गथे याना यायेगु धैग्ु विषयस न थौं हे छलफल जुइगु येँ जिल्लाया प्रमुख जिल्ला अधिकारी कालिप्रसाद पराजुलीं जानकारी बियादिल ।
Categorized in राष्ट्रिय
