तामाकोसीया स्वंगूगु युनिटपाखें नं विद्युत् उत्पादन जुल
दिल्लाथ्व प्रतिपदा ११४१, साउन १० आइतबाः
माथिल्लो तामाकोसी जलविद्युत् आयोजनाया स्वंगूगु युनिटं नं विद्युत् उत्पादन न्ह्याःगु दु ।
असार २१य् न्हापांगु युनिट न्ह्याकाः उलेज्या जूगु उगु आयोजनां शुक्रबाःनिसें स्वंगूगु युनिट न्ह्याःगु आयोजनां न्ह्यथंगु दु । माथिल्लो तामाकोसी जलविद्युत् आयोजनाया विद्युत् गृहय् ७६ मेगावाटया खुगू टर्वाइन स्वाःगु दु ।
न्हापांगु व निगूगु युनिटया परीक्षण उत्पादन सुथां लायेधुंकाः स्वंगूगु युनिट नं न्ह्याःगु जलविद्युत् आयोजनां न्ह्यथंगु दु । थ्वलिसें ४५६ मेगावाट क्षमताया उगु आयोजनां २२८ मेगावाट विद्युत् उत्पादन न्ह्याःगु दु ।
साउन दुने हे प्यंगूगु युनिट नं न्ह्याइगु व भदौ दुने ल्यं दुगु निगू युनिट नं न्ह्याकाः अयोजना पूर्ण क्षमताय् न्ह्याकेगु आयोजनां न्ह्यथंगु दु । दक्वं परीक्षण क्वचायेकाः न्हापांगु प्यंगू युनिटं थ्व हे लाय् ३सः व ४ मेगावाट विद्युतया व्यावसायिक उत्पादन जुइगु आयोजनां न्ह्यथंगु दु ।
ल्यं दुगु निगू नं यानाः दक्वं युनिटं व्यावसायिक उत्पादन यायेत मेगु लच्छि बी । थुकिया कथं माथिल्लो तामाकोसी जलविद्युत् आयोजनां असोजया दथुंनिसें पूर्ण क्षमताय् व्यावसायिक विद्युत् उत्पादन न्ह्याकेगु योजना लिमिटेडया दु ।
Categorized in राष्ट्रिय
