आः कोरोना खोप कायेत अनलाइन फारम अनिवार्य
लहानान्युज | दिल्लाथ्व प्रतिपदा ११४१, साउन १० आइतबाः
येँय् कोरोनाविरुद्धया खोप कायेत आवंलि अनलाइन फाराम अनिवार्य जूगु दु ।
स्वास्थ्य ज्याकु काठमाडौं नं आःवलिं ५० दँ वैंश वा उगु सिवें क्वयेय् १८ दँ वैंश तक्कया नागरिकतयेसं अनलाइन दर्ता नम्बर हःसा जक कोरोनाया खोप काये दइगु जानकारी याःगु खः ।
स्वास्थ्य ज्याकुया प्रमुख बद्री बहादुर खड्कां स्वास्थ्य तथा जनसंख्या मन्त्रालयया साउन १ गतेया पौखय् उल्लेख जू कथं निर्णय जूगु धासें खोप कायेत ५०दँ वैंश च्वयेय्यापिन्सं नं याकनं सिवें याकनं थःगु नाँ दर्ता यायेत इनाप यानादील ।
वयेकया कथं दर्ता जूगु दसि कया वइगु दिंलय् सञ्चालन जुइगु खोप केन्द्रय् सर्वसाधारणं खोप कायेखनिइ ।
Categorized in राष्ट्रिय
